雨後陽光

今個星期天氣非常好, 好有春天的感覺, 簡直令人昏昏慾睡 z..z.z.z... 週末仍然會好天氣, 明天有節目, 去看 Champions on Ice。有今屆奧運會女子花式溜冰亞軍,季軍和關穎珊等人, 肯定極好看! 去前會先去一間Outlet shopping。來過美國的人, 都會知道Outlet是什麼。是賣減價貨的地方, 多數是名牌子。好多時也是便宜得很, 希望明天有運買平東西。

寫Blog = 寫日記

我覺得寫Blog有少少好似寫日記。其實我以前一路有寫開日記, 由中二開始, 長達八年。但自從97年去完羅馬讀書後, 就無再寫。所以阿爺離開, Terry狗又去埋天堂, 連自己結婚, 買屋都無記低。但話時話, teenage時發生geh事, 遇到geh人, 好似有趣好多。例如puppy love呀, 要生要死, 天長地久...人人都有幾個小故事(傷心或開心)。而家發生geh事, 好實在。雖然平凡, 但就好滿足。靜靜地都唔錯。我從來都唔係好恨過度興奮geh事, 怕心臟忍受唔住!

落雨不怕 落雪也不怕

落雨落到唔識停。成個weekend不停落, 落到幾乎洪水氾濫。最多有成十吋。但係我仍然出咗街。去咗睇Ice Age 2, 幾搞笑。P仔話我睇過Ice Age 1,但係我一啲記憶都無。死啦! 唔係老人痴呆啊!!!

我的第一次

第一日寫blog, 首先等我介紹一下自己。我叫Chelsea。花名有好幾個, 歷史最耐嘅係Apple, 小學時被人改嘅。一用數十年, 唉‧‧‧‧‧‧ 我同屋企人喺1992年移民紐約, 1991年先自己一個去咗Vermont(佛蒙特州)讀boarding。嗰時一啲英文都唔識, 所以被踢去呢個只有牛同楓樹嘅地方。無聽過? 肯定有‧‧‧Ben&Jerry雪榚出產地, 都話你識嘅啦。一讀三年, 再喺紐約上州讀咗五年建築, 跟住返嚟紐約市住。而家幫一個猶太佬打工, 設計啲high end住宅。我差唔多都有一年返一次香港, 但仍然好掛住啲美味食物, 嗚嗚‧‧‧‧